Një 34 vjeçar shqiptar ka mbetur i plagosur, si pasojë e një atentati në Mykonos të Greqisë.
Ngjarja ndodhi mbrëmjen e djeshme, ndërsa raportohet se shqiptari punonte në ishullin e Mykonos, aty ku iu bë dhe atentati nga dy persona që udhëtonin me motor dhe skafandra në kokë.
Atentatorët sapo kanë parë shqiptarin janë afruar me motor dhe kanë qëlluar disa herë duke e plagosur.
Ai u dërgua menjëherë në spitalin e Mykonos dhe ndodhet jashtë rrezikut për jetën.
Identiteti i tij nuk bëhet ende i ditur, por, mësohet se në vitin 2013 është arrestuar në Greqi si i përfshirë në trafikun e drogës, ku dhe është dënuar 2 vite.
