Pas përfundimit të diskutimeve mes Shqipërisë dhe Greqisë në qytetin e Korçës, ka pasur edhe reagime në lidhje me atë se çfarë është diskutuar.Ky takim, për Shpëtim Idrizin nuk ka asnjë përfitim për Shqipërinë, por sipas tij, politika shqiptare nuk ka një agjendë të përcaktuar në diskutimet me Greqinë.
Ai tha se detyra e Shqipërisë është që kjo pjesë të ndiqet në aspektin kushtetues dhe ligjor, por pa një qëndrim të bashkuar të institucioneve të Shqipërisë kjo nuk është e mundur. Kreu i PDIU-së, tha se traktati i miqësisë nuk ka ecur përpara, por përkundrazi ka mbetur në një kufij të papërfillshëm.
“Ne nuk do të reshtim së ndjekuri këtë çështje në aspektin ligjor dhe atë social. Shumë shpejt do të kemi edhe protestë. Ne na duhen hapa konkret me Greqinë. Fakti i një diplomacia shqiptare është në kufijtë e diletantizmit. Sot shteti shqiptar, nuk ka një strategji kombëtare. Pala greke është bashkë në këtë. Ne nuk kemi një agjendë të përbashkët si për presidentin, ministrin etj. Traktati i miqësisë, asnjë avancim për Shqipërinë”-tha Idrizi.
Ndërsa ishte i ftuar në News 24, ai shtoi se rruga jonë në drejtim të Evropës nuk kalon nga Athina, pasi ajo është në lindje, por rruga e Shqipërisë është drejt perëndimit dhe ecejakja që duhet të ndjekim është boshti Romë-Berlin-Uashington
Pjesë nga deklarata e Idrizit
Ne kemi problemin e diletantizmit.Greqia ka interes mbi pronat, duke mbajtur ligjin e luftës. Ligjin e luftës duhet ta shoqërojmë me heqjen pjesë pjesë të efektit të tij pasi ndikon drejtpërdrejt mbi çështjen çame. Problemi i reciprociteti kushtetues, mbi të drejtat e shqiptarëve duhet patur kujdes dhe matur. Problemet nuk zgjidhen me valle dhe me serenatë. Këtej dhe ne pengojmë gjyshërit për të parë tokën e tyre në Greqi. Rruga nuk kalon nga Athina, sepse ajo është në lindje, por anëtarësimi ynë është Romë-Berlin-Uashington.
