Numri i viktimave të shkaktuara nga koronavirusi ka arritur në 101 në Greqi.
Sipas mediave greke, në 24 orët e fundit janë shënuar edhe viktima të tjera, ndërsa janë konfirmuar 25 raste të reja.
Kështu numri i të infektuarve vijon të jetë në rënie në shtetin fqinj. Deri më tani në Greqi janë konfirmuar gjithsej 2,170 raste infektimi.
269 persona janë shëruar në vendin fqinj, ndërsa 76 pacientë ndodhen në gjendje kritike për jetën. Numri i rasteve aktive në Greqi është 1,800.
Mbi 1,9 milionë njerëz nga e gjithë bota janë prekur nga koronavirusi, ndërsa numri i viktimave ka arritur në 121,927.
