Greqia ka regjistruar sot një rritje të numrit të viktimave nga koronavirusi.
Sipas Worldometers, gjatë 24 orëve të fundit në vendin fqinj janë shënuar 5 viktima, tre më shumë se një ditë më parë.
Ndërkohë, është evidentuar një rënie e rasteve të reja. Në bilancin e 24 orëve të fundit janë konfirmuar 204 raste të reja, teksa dje u shënuan 235 të tilla.
Deri më tani, në Greqi janë regjistruar 6.381 raste pozitive me COVID-19, ndërsa 221 persona kanë humbur jetën. Më shumë se 2 mijë raste janë ende aktive në Greqi, teksa 22 pacientë trajtohen të intubuar.
