Koronavirusi i ka marrë jetën ish-ministrit të Shëndetësisë së Greqisë, Dimitris Kremastinos. Mediat në Greqi raportojnë se 78-vjeçari ndodhej në spital prej më shumë se 1 muaj, e ndërsa kishte shfaqur komplikacione në rrugët e frymëmarrjes. Klasa politike greke ka shprehur ngushëllimet, për humbjen e ish-ministrit.
Kremastinos ka qenë ministër në qeverinë e PASOK dhe deputet i zonës së Dodekanezit në parlamentin grek.
Njihej si një prej njerëzve më të aftë në fushën e shëndetësisë, dhe bëri një reformë të fortë dhe tepër pozitive në shërbimin shëndetësor grek.
Tashmë në Greqi, në total janë 150 viktima.
