Një arrestim i pazakontë pas një zbulimi të papritur çoi në duart e autoriteteve të një 31-vjeçari në Volos.
Burri kishte harruar çelësat dhe nuk mundi të hynte në shtëpinë e tij, sipas thenewspaper.gr. Kështu ai vendosi të hynte nga një dritare. Fqinjët e vunë re këtë tentativë dhe, duke menduar se ishte një hajdut, lajmëruan policinë.
Efektivët e policisë të mbërritur në vendngjarje kanë marrë vesh se çfarë po ndodhte, dhe madje kanë ndihmuar 31-vjeçarin me origjinë shqiptare të hyjë normalisht në shtëpinë e tij.
Mirëpo, për habinë e tyre, sapo kanë hyrë brenda, kanë parë 11 qese të improvizuara me kokainë me peshë totale 10.2 gram, të cilat i kishte lënë në tavolinë. Ai u arrestua menjëherë dhe më pas u lirua me kusht pasi u deklarua fajtor.
Në mënyrë të veçantë, lirimi i 31-vjeçarit u vendos me kusht që ai t’i bashkohej një programi të mbyllur rehabilitimi të KETHEA-s brenda një periudhe 5-ditore.
Burimi i lajmit: newsbeast. Përshtatur nga Tirana Today
