Greqia ka konfirmuar dy viktima të tjera nga koronavirusi në 24 orët e fundit.
Kështu shkon në 146 numri total i personave që kanë humbur jetën nga COVID-19 në shtetin fqinj.
Sipas mediave greke, gjatë 24 orëve të fundit janë regjistruar vetëm 6 raste infektimi, duke e cuar në 2,632 numrin total të rasteve të identifikuara.
Sipas Worldometers, mbi 1,300 persona janë shëruar në Greqi, ndërsa mbi 1,100 raste janë ende aktive. Prej këtyre, 35 ndodhen në gjendje të rëndë shëndetësore.
Më shumë se 3,6 milionë njerëz nga e gjithë bota janë prekur nga koronavirusi, ndërsa mbi 250 mijë persona kanë humbur jetën.
Sa i përket të shëruarve, 1.171.046 persona nga e gjithë bota kanë arritur ta mposhtin COVID-19. Ndërsa numri i rasteve ende aktive është 2.189.873.
