Greku Eftimius Eftimiu vazhdon të mohojë përfshirjen e tij në vrasjen e Devi Kasmit. Ai u arrestua, pasi dyshohet se vrau Kasmin, kundrejt një shume parash.
Sot Gjykata për Krime të Rënda ka dëgjuar pretendimet e grekut, i cili tha se kishte ardhur në Shqipëri për gjueti, pasi ai dhe miku i tij janë të apasionuar pas gjuetisë.
Madje, Eftimiu kishte edhe ankesa lidhur me mënyrën se si transportohet nga paraburgimi në gjykatë, duke shtuar se ndihej i pasigurt për jetën.
Gjatë seancës, dhanë dëshminë edhe dy persona të tjerë, të cilët kanë qenë dëshmitarë okularë të vrasjes.
