20 nëntor 2001 – 20-vjeçari shqiptar Gentian Çeliku humbi jetën gjatë një operacioni të policisë greke në sheshin “Amerikis” në Athinë. Në fillim u tha se kishte tentuar të qëllonte me thikë një polic, i cili e vrau për vetëmbrojtje. Sipas palës greke, shkak i ngjarjes ishte “shkrepja aksidentale e armës së policit”. Polici nuk u dënua për ngjarjen.
23 Shtator 2003- 18 vjeçari nga Tropoja, Vullnet Bytyçi vritet pranë kufirit greko-shqiptar në zonën e Follorinës. Edhe në këtë rast, policia greke pretendoi se ishte një goditje aksidentale.
8 Nëntor 2007 – 45-vjeçari shqiptar Hilmi Latej, baba i 5 fëmijëve vritet duke u qëlluar pas shpine nga policia, e cila po ndiqte 11 shqiptarë, kur po kalonin ilegalisht kufirin në afërsi të fshatit Levea në Follorinë. Policia tha se ngjarje ndodhi “nga vetë-shkrepja” e armës së forcave të rendit.
27 mars 2014 – Kudret Kume, i njohur në Greqi si Ilia Kareli, u gjet i vdekur në qelinë e tij të burgut, 3 ditë pasi u vra nga gardianët grekë. Në qelinë ku shqiptari ishte dhunuar barbarisht nga të paktën 15 gardianë, nuk kishte kamera.
3 Gusht 2016 – Emigranti shqiptar Pëllumb Marnikollaj, 28 vjeç, paraqitet në komisariatin e policisë Patisia në Athinë, në zbatim të detyrimit për lirimin e tij me kusht në maj të atij viti. Disa javë më vonë, trupi i tij i pajetë gjenden në një morg të zonës, ndërsa policia greke tha se shqiptari ishte “hedhur vetë” nga dritarja e katit të tretë, për t’i shpëtuar një arrestimi të dytë. Pas këmbënguljes së familjes, prokuroria e Athinës urdhëroi fillimin e një hetimi të ri, me akuzën e dëmtimit të personit me pasojë vdekjen. Por ky hetim nuk arriti në asnjë përfundim.
