I quajturi ‘ekstremisti grek’ shtetasi Kostandinos Kaçifas ka mbetur i vrarë gjatë ditës së sotme gjatë një shkëmbimi zjarri me Forcat RENEA.
Duke iu referuar deklarimeve të policisë 35-vjeçari nuk iu bind urdhrit për tu dorëzuar dhe u kundërpërgjigj ndaj efektivëve duke shtirë me armë zjarri.
https://tiranatoday.com/grek-ne-gjirokaster/
Kaçifas kishte lindur në Bularat dhe ishte banues në Athinë, ndërkohë që kishte rreth një javë që kishte mbërritur në Shqipëri.
https://tiranatoday.com/u-cilesua-si-grek-por-ishte-me-kombesi/
Në Bularat rreth orës 10:00 po zhvillohej një aktivitet me rastin e festës së ushtarëve të vrarë grekë (Festë Kombëtare e Greqisë). Dhe nga burime nga vendi i ngjarjes mësohet se ky shtetas kishte mbushur qendrën e fshatit me flamuj grekë dhe provokonte në vazhdimësi njerëzit.
Kostandinos Kaçifas ishte shumë aktiv në rrjetin social “Facebook”. Ai kishte publikuar plot mesazhe ku bën thirrje për rezistencë të grekëve në jug të Shqipërisë, të cilët i quan “vorio-epiriotë”.
Vetëm dy ditë më parë Kaçifas ka publikuar një video ku shfaqen fëmijë të shkollës së Dervizani. Kaçifas e shoqëron videon më shkrimin se duhet bërë diçka për fëmijët grekë të skllavëruar në “Epirin të Veriut”.
Ndërkohë personat që e ndjekin dhe e komentojnë janë në mbështetje të thirrjes së tij për të bërë diçka për të shpëtuar këta fëmijë nga skllavëria.
Kaçifas gjithashtu ka publikuar një foto ku shihet një hartë e cila tregon të gjitha pretendimet territoriale që sipas tij, Greqia ka ndaj Shqipërisë.
Ndërkohë Kostandinos Kaçifas ka qenë edhe në varrezat e ushtarëve grek që janë ngritur në Shqipëri dukë bërë foto. TIRANA TODAY
