Greva e naftëtareve ka hyrë në ditën e 18-të ditën e sotme.
Gratë naftëtare vijojnë rezistencën e tyre pavarësisht se gjendja shëndetësore është përkeqësuar.
Me gjithë thrirrjet e kryeministrit Edi Rama, ato nuk pranojnë negociata pa marrë më parë pagat e prapambetura.
“Është dita e 18 e grevës. Do të vazhdojmë përderisa ne kemi marrë këtë risk përsipër, është e kotë nëse nuk fitojmë gjë. Largimi nga familjarët është shumë e vështirë. Unë jam me diabet jam shkëputur ndonjë ditë pasi jam me diabet dhe kam marrë mjekim. Nuk bëhet fjalë të dalim nga greva. Pa fituar lekët që kemi nxjerrë me djersë” , u shpreh njëra prej tyre.
