Policia e Tiranës ka reaguar në lidhje me lajmin e raportuar në media për një tentativë grabirje në një nga farmacitë në Tiranë. Paraprakisht raportohej se një i ri ka kërkuar paratë në banak, nuk i ka marrë dhe ka qëlluar jashtë me një pistoletë me saçme metalike. Por burime zyrtare të policisë hedhin dritë mbi këtë rast, duke sqaruar se nuk ka asgjë të vërtetë.
Blutë e Tiranës theksojnë që në krye të herës se sot është marrë njoftim se në një farmaci, në xhamin e jashtëm të farmacisë ka një shenjë (ciflosje). Nga verifikimet e kryera, ka rezultuar se është konstatuar një sferë e armëve me ajër e cila nuk ka tejshpuar xhamin. Nga kqyrja e kamerave të sigurisë nuk është konstatuar asnjë person apo mjet që është afruar në drejtim të farmacisë.
Njoftimi
Në lidhje me një lajm të publikuar në portale për grabitje të një farmacie nën kërcënimin e armës, ju sqarojmë se lajmi është i pavërtetë.
Më datë 25.06.2022, është marrë njoftim se në një farmaci, në xhamin e jashtëm të farmacisë ka një shenjë (ciflosje).
Shërbimet e Policisë kanë shkuar menjëherë në adresën e dhënë dhe nga verifikimet e kryera, ka rezultuar se është konstatuar një sferë e armëve me ajër e cila nuk ka tejshpuar xhamin.
Nga kqyrja e kamerave të sigurisë nuk është konstatuar asnjë person apo mjet që është afruar në drejtim të farmacisë.
