Një grabitje është regjistruar në orët e para të mëngjesit në Gjirokastër.
Nga informacionet paraprake mësohet se ngjarja ka ndodhur rreth orës 03:30, në fshatin Terihat, Bashkia Dropull. Disa persona ende të paidentifikuar kanë hyrë në banesën e shtetasit V.B. duke vjedhur një sasi të konsiderueshme parash.
Në banesë ndodheshin vetëm 2 gra të moshuara. Ndërkohë në vendngjarje është paraqitur edhe grupi hetimor, i cili po punon për zbardhjen e plotë të ngjarjes.
