Në Prokurorinë e Krimeve të Rënda janë dorëzuar emrat e mundshëm të bashkëpunëtorëve në grabitjen e miliona eurove në Rinas. Po ashtu, prokurorëve i është dorëzuar edhe akt-ekspertimi mjeko ligjor i të ndjerit Admir Murataj.
Dyshimet e ngritura pas ngjarjes se kush qëlloi mbi njeriun që organizoi grabitjen e 6 milionë eurove, vijojnë edhe pas raportit mjeko ligjor.
Autopsia tregon se Murataj u qëllua me një armë kallashnikov në syrin e djathtë, duke vonuar identifikim e tij, raporton ‘A2 CNN’, teksa nevojitej përfshirja e familjarëve që të bënin identifikimin e saktë të kufomës.
Ndërkohë, mbetet enigmatike distanca nga e cila është qëlluar Admir Murataj, dhe personi që e ekzekutoi atë, pak minuta pas grabitjes.
