Gjykata e Tiranës ka lënë në burg ish-drejtorin e një filiali të “Alpha Bank” në Tiranë, Florant Nako.
Ky i fundit u zbulua se kishte vjedhur 30 mijë dollarë nga llogaria e një klienti, duke keqpërdorur të dhënat e tij.
Një ditë më parë u raportua se ai pas vjedhjes, kishte lënë punën në bankë duke u nisur për në SHBA. Kur është kthyer është mbajtur nën vëzhgim nga agjentët e policisë.
Pasi ishte rikthyer në muajin mars në Shqipëri, policia ka mbledhur të gjitha provat dhe ka mundur të vërë në pranga.
“ReportTv” zbardh dëshminë e Nakos i cili para hetuesve ka pranuar krimin duke thënë se i duheshin paratë për të shlyer dëmin e një aksidenti ku ishte përfshirë.
“I vodha paratë pasi do shlyeja dëmtimet e një aksidenti ku u përfshiva”, ka thënë Nako para prokurorëve.
