Ndoshta do ju duket e pabesueshme, por një person nuk e ka menduar dy herë, por ka shkuar për të grabitur bankën, pasi nuk kishte para për të paguar unazën dhe shpenzimet e dasmës.
Një dhëndër nga Teksasi është vënë në pranga, pasi grabiti një bankë vetëm një ditë përpara se të martohej. Heath Edward Bumpous, realizoi grabitjen të premten rreth orës 11.30 të paradites me orën lokale, ndërsa i tha punonjësit që kishte armë me vete, dhe mund ta qëllonte nëse nuk i jepte paratë.
Më pas ai i kishte shpjeguar punonjësit se do të martohej ditën tjetër, dhe se i duheshin paratë për të mbuluar shpenzimet. Sipas policisë, pas grabitjes, Bumpous i hodhi rrobat që kishte veshur nga dritarja e makinës, ndërkohë që ishte në lëvizje.
Por lëvizjet i tij u pikasën mjaft lehtë nga ana e policisë, kjo falë pamjeve të shpërndara nga kamerat e sigurisë.
Policia u vu menjëherë në lëvizje, e ndërsa shpërndau pamjet e marra nga kamerat e sigurisë në bankë në Facebook. Falë një video-je në Facebook, partnerja e kuptoi se grabitësi kishte qenë në fakt i fejuari i saj.
Dione Traylor i kërkoi që të dorëzohej tek autoritetet. Ai iu bind, dhe iu drejtua rajonit të policisë, për të treguar se çfarë kishte ndodhur.
