Shtëpia e atasheut pranë Ambasadës së Kuvajtit në Tiranë ka rënë pre e grabitjes ditën e djeshme.
Mësohet se diplomatit Humoud Saleh Alhusaini i është vjedhur një unazë dhe një byzylyk floriri. Sipas “BalkanWeb”, dyshohet që sendet me vlerë të jenë marrë nga pastruesja e vilës, një 28-vjeçare nga Filipinet, Annabelle Belgira.
Banesa e atasheut ndodhet në kompleksin e vilave në Petrelë. Kallëzimi për ngjarjen është bërë ditën e djeshme në komisariatin nr 1., në Tiranë.
Materialet i janë referuar Prokurorisë, me akuzën e vjedhjes.
