Një bankë e nivelit të dytë në Koplik të Shkodrës është grabitur. Nga të dhënat e para mësohet se autorët e dyshuar kanë qenë tre persona të maskuar.
Ata kanë arritur të marrin një shumë parash dhe janë larguar me një automjet që sipas dëshmitarëve ka qenë tip ‘Volkswagen’ ngjyrë e zezë.
Tre autorët dyshohet se kanë qenë të maskuar, dhe kanë kryer grabitjen nën kërcënimin e armës.
Në dalje të Koplikut është gjetur një makinë e djegur, por ende nuk dihet nëse është e autorëve të grabitjes së bankës.
Policia ka nisur hetimet për këtë ngjarje. Shuma që u mor nuk dihet ende.
