Një shqiptar ka përfunduar në pranga në kuadër të një operacioni organizuar midis Gardës Civile spanjolle dhe policisë gjermane. Shqiptari akuzohet si pjesëmarrës në dhjetëra grabitje nëpër vila dhe shtëpi në provincat e Huesca dhe Lleida.
Drejtësia spanjolle ka kërkuar nga autoritetet gjermane ekstradimin e tij, për t’u përgjigjur për këto vjedhje. Me arrestimin e shqiptarit, banda e grabitësve me 13 anëtarë u shkatërrua e tëra.
Dy vite me parë forcat spanjolle nisën një operacion për çmontimin e bandës që kishte kryer 75 grabitje.
26-vjeçari është arrestuar në Gjermani më 29 nëntor dhe tani ka përfunduar në Spanjë.
“Me këto arrestime, Garda Civile konsideron se grupi kriminal është plotësisht i shkatërruar”, thanë këtë të hënë burime të “Benemérita”.
