Dy gorilla janë fotografuar teksa pozojnë për një selfie të relaksuar, me dy rojtarë pylli që u shpëtuan jetën kur ishin foshnje.
Fotoja është shkrepur në jetimoren e Parkut Kombëtar të Virungas, ku kafshët u rritën pasi gjuetarët vranë prindërit e tyre.
Zëvendësdrejtori i parkut tha për BBC Newsday se ata kishin mësuar të imitonin kujdestarët e tyre, të cilët janë kujdesur për ata qëkur i kishin gjetur.
Madje, ai shtoi se gorillat i shohin shpëtimtarët e tyre si prindër.
Nënat e gorillave u vranë në korrik të 2007-ës. Ato ishin vetëm 2 dhe 4-muajshe në atë kohë.
Për shkak se gorillat janë rritur me shpëtimtarët e tyre, ato i imitojnë njerëzit, duke qëndruar në këmbë si një mënyrë për të mësuar si të jenë të tilla.
“Jam habitur shumë kur e pashë që ata qëndronin në këmbë si njerëzit, është shumë gallatë”, tha zv.drejtori./ Tirana Today
