Një ngjarje shokuese ka ndodhur sot në lagjen “Dardania” në Prishtinë, ku një person ka vrarë gruan e djalit të tij, e më pas është vetëvrarë.
Rastin e ka konfirmuar kryeprokurori i Prokurorisë Themelore në Prishtinë, Imer Beka.
“Po kemi marrë informacion që dy persona kanë ndërruar jetë. Sipas informacioneve të para, dyshohet se një person ka vrarë gruan e djalit të tij, dhe më pas ka vrarë edhe veten”, ka bërë të ditur Beka.
Prokurori po i drejtohet vendit të ngjarjes. Ende nuk dihen arsyet që kanë çuar në këtë akt të rëndë.