Në punë në zyrë vetëm nëse vaksinoheni kundër Covid-19. Është rregulli i vendosur nga Google dhe Facebook për punonjësit e tyre të interesuar të kthehen në zyra, motivuar nga shqetësimet që lidhen me përhapjen e variantit Delta. Nëse nuk vaksinoheni alternativa është të qëndroni të punoni nga shtëpia.
Për Google, mundësia e punës në distancë do të zgjatet deri më 18 tetor: “Kushdo që vjen për të punuar në kampuset tona do të duhet të vaksinohet,” shpjegoi CEO Sundar Pichai në një postim në blog. “Ne po e zbatojmë këtë politikë në Shtetet e Bashkuara dhe do ta shtrijmë atë në rajone të tjera në muajt e ardhshëm. Shpresoj se këto hapa do t’i japin të gjithëve paqe më të madhe kur të rihapen zyrat,” shtoi ai.
E njëjta zgjedhje për Facebook, që thoshte në një shënim: “Ne do t’i kërkojmë kujtdo që vjen të punojë në një nga kampuset tona amerikane të vaksinohet. Ne do të kemi një procedurë për ata që nuk mund të vaksinohen për arsye mjekësore ose arsye të tjera dhe ne po vlerësojmë qasjen tonë në rajone të tjera teksa situata evolon ”.
