Ish-kryeministri Sali Berisha ka reaguar sa i përket përgjimeve që u publikuan nga gazeta ‘Bild’ një ditë më parë, duke u shprehur se “kjo ishte një goditje në zemër” ndaj kryeministrit Rama dhe e akuzon gjithashtu se urdhëroi dje censurën në mediat e vendit.
“…Edvin Kristaq Avdyli apo Lala në panik të plotë dhe në një akt të pashembullt në tërë historinë e pluralizmit urdhëroi dje censurën në mediat e vendit të publikimeve të gazetës gjermane në Shqipëri”, shprehet në postimin e tij Berisha.
Berisha vijon më tej duke u shprehur se me këtë urdhër, Rama vetëm konfirmon lidhjet e tij kriminale dhe duke përdorur kështu censurimin “për të mbrojtur krimet e tij monstruoze elektorale të ndalimit, blerjes, dhunimit të vullnetit të qytetarëve të shprehur me votën e tyre”.
Sipas ish-kryeministrit këto përgjime “rrëzojnë përfundimisht narkozgjedhjet e qershorit 2017” dhe “tregojnë për drejtësinë e vendimeve dhe misionit të opozitës shqiptare për përmbysjen me çdo kusht dhe me çdo çmim të monstrës së pluralizmit, kreut të narkoshtetit dhe regjimin e tij të kakistokracisë!”, përfundon Berisha.
Postimi i Berishës:
Nje akt akuze tjeter madhore per Narkoshtetin dhe kreun e tij Edvin Kristaq Droga! Te dashur miq, i goditur tashme ne zemer per vdekje nga publikimet e Bild, te cilat rrezojne perfundimisht narkozgjedhjet e qershorit 2017 dhe narkoparlamentin e dale prej tyre, Edvin Kristaq Avdyli apo Lala ne panik te plote dhe ne nje akt te pashembullt ne tere historine e pluralizmit urdheroi dje censuren ne mediat e vendit te publikimeve te gazetes gjermane ne Shqiperi.
Ky urdher antikushtetues i kryekreut te meduzes, skizoidit, monstres se pluralizmit Edvin Kristaq Ndoka apo Brajeviçi, eshte nje akt akuze tjeter po kaq e rende sa dhe vete publikimet qe nxori para shqiptareve dhe botes fytyren e shemtuar krimiminale te tij dhe narkoshtetit qe ky ngriti ne Shqiperi.
Kjo sepse ky urdher deshmon se kreu i narkoshtetit Edvin Kristaq Dajti apo Shullazi, per te mbrojtur krimet e tij monstruoze elektorale te ndalimit, blerjes, dhunimit te vullnetit te qytetareve te shprehur me voten e tyre, vendos ne gijotine fjalen e lire duke merituar tashme, jo vetem per shkak te Kristaq Xhelatit, te quhet monster e pluralizmit politik dhe te medimit pra te thirret Edvin Kristaq Xhelati.
Miq, publikimet e Bild dhe akti i djeshem i Edvin Kristaq Droga provuan para çdo shqiptari dhe qytetari te lire ne bote apo miku te Shqiperise drejtesine e vendimeve dhe misionit te opozites shqiptare per permbysjen me çdo kusht dhe me çdo çmim te monstres se pluralizmit, kreut te narkoshtetit dhe regjimin e tij te kakistokracise!
