Dy banorë të Astirit kanë rënë në prangat e policisë së Tiranës, pasi kanë kundërshtuar dhe goditur me sende të forta tre efektivë policie. Bëhet fjalë për shtetasit me iniciale E.F., 27 vjeç dhe M. F., 54 vjeç, të dy banues në Tiranë.
Sipas njoftimit të autoriteteve blu, këta persona, ditën e djeshme, gjatë një tubimi pranë “Unazës së Re” kanë penguar për kryerjen e detyrës tre punonjës të policisë, të cilët ishin dislokuar në shërbim për ruajtjen e rendit publik.
Materialet në ngarkim të këtyre shtetasve u referuan në Prokurorinë e Rrethit Gjyqësor Tiranë për veprime të mëtejshme .
Njoftimi i plotë:
Kundërshtuan me dhunë shërbimet e Policisë të komisariatit Nr.6, vihen në pranga dy shtetas.
Specialistët për Hetimin e Krimeve në Komisariatin e Policisë Nr.6, në bashkëpunim me Prokurorinë e Gjykatës së Shkallës së Parë Tiranë, bënë arrestimin në flagrancë për veprën penale “Kundërshtimi i punonjësit të policisë së rendit publik” dhe “Goditje për shkak të detyrës”, të shtetasve:
E.F., 27 vjeç, banues në Tiranë;
- F., 54 vjeç, banues në Tiranë;
Këta persona më datë 22.07.2019, gjatë një tubimi pranë “Unazës së Re” kanë goditur me sende të forta dhe kanë penguar për kryerjen e detyrës tre punonjës të policisë, të cilët ishin dislokuar në shërbim për ruajtjen e rendit publik.
Gjithashtu këta shtetas kanë kundërshtuar me dhunë, duke i goditur me sende të forta efektivët e policisë të Komisariatit Nr.6, në momentin e shoqërimit të tyre për në ambientet e Policisë.
Materialet në ngarkim të këtyre shtetasve u referuan në Prokurorinë e Rrethit Gjyqësor Tiranë për veprime të mëtejshme .
