Një i ri është plagosur me thikë në qytetin e Durrësit. Sipas njoftimit të policisë ngjarja ka ndodhur për motive të dobëta.
Si autor i kësaj ngjarje është arrestuar Arjan Ajazi 23 vjeç, banues në Durrës. Mësohet se Ajazi ka goditur me mjet prerës, thikë 19-vjeçarin me inicialet I.R. banues në Durrës.
Për pasojë i dëmtuari ndodhet në Spitalin e Traumës Tiranë nën kujdesin e mjekëve.
Në cilësinë e provës materiale u sekuestrua thika.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Plagosja e rëndë me dashje” dhe”Prodhimi, mbajtja, blerja apo shitja pa leje e armëve të ftohta”.
