Drejtori i Përgjithshëm i Policisë së Shtetit, Gledis Nano, po zhvillon një takim me kreun e SPAK, Arben Kraja.
Takimi mes tyre vjen një ditë pas arrestimit të ish-deputetit të PS, Alqi Bllako, i akuzuar si i përfshirë në aferën e inceneratorëve.
Alqi Bllako vendosi t’i futej karrierës politike një vit më parë, duke u zgjedhur deputet si përfaqësues i qarkut Tiranë në listat e PS-së në zgjedhjet e 25 prillit 2021.
Ish-deputeti socialist Alqi Bllako i dorëzuar në polici pas urdhër arrestit të lëshuar nga Prokuroria, pritet të dalë sot para Gjykatës për t’u njohur me masën e sigurisë.
Sot në orën 11:00 Bllakos do t’i komunikohet masa e sigurisë nga Gjykata.
Ish-deputeti socialist akuzohet për “shpërdorim detyre” dhe “korrupsion”, në lidhje me aferën e inceneratorit të Fierit.
