Ambasada e SHBA-së në Prishtinë, me anë të një deklarate për mediat, shprehen se politikanët kosovarë dhe nisma e deputetëve për të bllokuar Gjykatën Speciale, është një gabim shumë i madh.
Në reagimin e ambasadës ndër të tjera theksohet këto iniciativa, dëmtojnë shtetin e Kosovës, ndërsa kjo ndikon edhe në marrëdhëniet me Shtetet e të Bashkuara të Amerikës. Gjithashtu theksohet se kjo qasje, do të ketë pasoja të rënda dhe negative për të ardhmen e shtetit më të ri.
“Ata e kanë gabim. Çfarëdo përpjekje e tillë e përsëritur do të kishte pasoja të thella negative për të ardhmen evropiane të Kosovës dhe për marrëdhënien e saj me Shtetet e Bashkuara. Gjithashtu, kërcënimet me dhunë janë tërësisht të papranueshme dhe qartësisht dhe pa mëdyshje ato duhet të hidhen poshtë nga Qeveria”-shkruan ambasada amerikane.
Veprime të tilla kanë krijuar dëshpërim dhe sipas ambasadës, interesat e shtetit nuk mund të jenë pas interesave personale.
“Jemi jashtëzakonisht të dëshpëruar me ata që do të sakrifikonin të ardhmen e shtetit të tyre dhe përkrahjen e patundur të Shteteve të Bashkuara në favor të interesave të tyre personale”– thuhet në deklaratën e Ambasadës së SHBA-së në Prishtinë”
