Agjencia Tatimore do të vazhdojë të mbajë procedurën penale në rastin e Cristiano Ronaldos që dyshohet për një fshehje të të ardhurave prej 14.7 milionë euro mes viteve 2011-2014 në lidhje me të drejtat e imazhit të tij. Sipas ‘El Mundos’ dhe ‘Marcas’, Portugezi i kishte vendosur një ofertë ekonomike Agjencisë Tatimore për ta mbyllur këtë çështje duke iu premtuar që do ta paguajë këtë shumë por sipas raporteve gjykata ka refuzuar këtë ofertë të tij dhe do të vazhdojë të mbajë akuzën ndaj tij.
Në muajt e fundit ka pasur një takim ku Cristiano ka qenë shumë i pakënaqshëm dhe ishte i vendosur të paguante 4 apo 5 milionë euro dhe jo 15 që po akuzohet nga agjencia tatimore. El Mundo Deportivo shkruan se, ylli i Real Madridit ka rënë dakord të paguajë te agjencia tatimore një shumë që ai dhe përfaqësuesit e tij mendojnë se është e drejtë bazuar në mos-tatimin e të drejtave të tij të imazhit. Kjo pagesë do bëhej në mënyrë që të sigurohet nga autoritetet spanjolle se ai nuk do të kalojë aspak kohë burgu.
Megjithatë, mediumi Europa Press raporton se një takim i mbajtur në muajt e fundit mes përfaqësuesve dhe autoriteteve spanjolle rezultoi në një ofertë ‘të pakënaqshme’ prej rreth 4-5 milionë eurosh, e cila u refuzua nga agjencia tatimore. Prokuroria atribuoi një mashtrimi prej 14.7 milionë eurosh kundër lojtarit, me agjencinë tatimore apo Ministrinë e Financave që pretendonin se ai aktualisht duhet të shërbejë një dënim me burg për shkak të katër incidenteve të veçanta për ikje taksash.
Autoriteti tatimore i Spanjës e ka refuzuar marrëveshjen e parë të ofruar nga avokati i Christiano Ranaldos, Jose Antonion Choclan, për një pagesë 4-5 milion eurosh për ikjen e tij nga tatimi. “Christiano nuk ka ofruar një çek blanko për ta mbyllur një marrëveshje, por një shumë të pa përfillshme të shumës kryesore”, tha një burim i afërt me hulumtimin që një gazetë e shkroi të dielën.
Choclan kishte ofruar më pak se gjysmën e pagesës, apo 3.8 milion euro të shumës dhe një shumë për pranimin e fajit nga Cristiano Ronaldo në mënyrë që të ndalonte ndjekjen kriminale kundër portugezit, që u denoncua nga kjo gjykatë për zyrën e prokurorit ku thuhet se ai i është shmangur pagesës së tatimit fiskal prej 14.768.897,85 milion euro. Agjencia e taksave kërkon që ti rikthehet kjo shumë e plot plus shuma e dënimit.
Në total, Ronaldo duhet të paguajë 25, 693,315.39 euro. Në shkrimin e gazetës u përmend edhe rasti i Xabi Alonsos, nga i cili thesari kërkojë 8 vite burg për ikje nga tatimi prej 4.9 milion eurosh. Pikërisht kjo ka ndryshuar edhe strategjinë ndaj portugezit. “Cristiano duhet të paguaj tërë shumën që akuzohet plus dënimin, vetëm duke bërë këtë mund t’i hiqet dënimi për krime”, ka thënë ky burim për gazetën.
“Nëse jo, atëherë dënimi duhet të kthehet në gjykim edhe njëherë dhe të hulumtohet më mirë ky rast. Një opsion tjetër është që ai të pret nëse gjykata do ta rishikon edhe njëherë rastin, nëse jo atëherë ai mund të kthehet në bankë dhe të rishikojë si ta fitojë këtë gjyq”, ka thënë ky burim.
