Gjykata e Apelit për Krimet e Rënda ka hequr sekuestron për pasurinë e ish-deputetit të PS-së, Alfred Peza.
Kështu, në seancën e sotme u rrëzua vendimi “sekuestro në bazë të ligjit “Antimafia”’, i dhënë nga Shkalla e Parë.
Treshja gjykuese që dha vendimin e sotëm për heqjen e sekuestros u kryesua nga gjyqtarja Nure Dreni.
Hetimet ndaj Pezës nisën pas publikimit në media se bashkëshortja e tij ka blerë aksione me vlerë 1.13 miliardë lekë në një bankë në nivelit të dytë në Tiranë, në mars të vitit të kaluar.
Organi i hetimit pretendon se çifti Peza-Ndini kanë një pasuri prej rreth 84 milionë lekësh të rinj, të cilën nuk e justifikojnë me burime financiare të njohura.
