Gjykata e Posaçme kundër Korrupsionit dhe Krimit të Organizuar, ose e njohur ndryshe si GJKKO, ka dënuar me 2 vite burg ish-kryeprokurorin e Përgjithshëm, Adriatik Llalla.
Përpos dënimit me burg, GJKKO e ka dënuar Llallën edhe me 5 vite përjashtim nga mbajtja e posteve publike.
Po ashtu Llallës i është vendosur sekuestro edhe mbi pasurinë e ish-zyrtarit të lartë të drejtësisë.
Ai akuzohet për disa vepra penale që përfshijnë “Refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nëpunësve publik ose i çdo personi tjetër që ka detyrim ligjor për deklarim”.
Adriatik Llalla u hetua edhe për pastrimin e parave, por në finale ai u dërgua për gjykim vetëm për fshehje të pasurisë.
