Deputeti i Partisë Konservatore, Kujtim Gjuzi, ka ironizuar prezencën e Ramës sot në Kuvend, e po kështu nuk ka nguruar që edhe të tallet me të. I ftuar në emisionin “45 Minuta” në Report Tv, Gjuzi u shpreh se në politikën shqiptare janë ngritur shumë temperaturat gjatë muajve të fundit. Po kështu ai ka hedhur një lum akuzash në drejtim të zyrtarëve të Kuvendit.
“Kryeministri është me zero punë, sot u shfaq pas tre javë mungesë. Mendova se është pa qejf, thonë se e kap alergjia tani dhe në shtator thonë mjekët, i kemi parë edhe kartelën. Unë i thashë që ke kujdes kryeministër, i tregova se një zarf i ardhur nga Kuvendi, nuk ka rregull, disiplinë, ka edhe mbajtje të këmbëve mbi tavolinë në zyrat e Kuvendit. Njerëz, zyrtarë të lartë në Kuvend mbajnë këmbët mbi tavolinë përballë një drejtoreje.
Nuk desha të shqetësoj kryetarin e Kuvendit, por atij (zyrtarit) me një shikim i lashë që të kuptonte se diçka do të ndryshonte. Ka edhe disa lojëra fati që luhen brenda Kuvendit.
Më erdhi zarfi sot, Kujtim Gjuzi, jo, jo, Kujtim Gjuzi jam këtu dhe në kafe, atje jam deputet Kujtim Gjuzi, por nuk mund të funksionojmë në variantin tallava dhe rrisin temperaturat, dhe unë mbaj me vete mjetet, termometër.
Nëse do të rrisim temperaturat pa kufij… E mora sot, mendova se mos ka qenë pa qejf kryeministri, dhe ti masim temperaturën. Nëse dikush nuk do të jetë i sinqertë, dhe nuk do të japë dorëheqjen, mund të ngrihet temperatura deri në thyerjen e zhivës”, tha Gjuzi.
