Përplasja e ashpër në Kuvend për luftën nacionalçlirimtare, ka rritur tensionet mes deputetëve në Parlamentin shqiptar. Deputeti Kujtim Gjuzi ka kundërshtuar fjalimin e socialistit Alket Hyseni, duke deklaruar se “ai nuk mund të na drejtohet me gisht këtu te ne”.
“Ne kemi ardhur këtu, pasi janë larguar një pjesë e ish-spiunëve të Sigurimit, anëtarë të Partisë së Punës dhe njerëzit që pasi kanë vrarë e spiunuar njerëzit e tyre.
Se po nuk spiunove, nuk vritej ai tjetri. Do t’i bëj ftesë kolegut që tha se unë përfaqësoj Sarandën, dhe na tregoi shenja fizike.
Unë mendoj se këtu nuk duhet të tregojmë shenja fizike. Ta ruajmë këtë parametra nëse doni, se për t’u përballur se si eshtë çështja e forcës e kemi thjeshtë ne. Unë jam i një prej atyre që ka vrarë Partia Komuniste. Mos na tregojë ne se kush i liroi këto punë, se këto i liruam në ‘90”, deklaroi Gjuzi
Ai gjithashtu u shpreh se “patjetër që na keni qethur, dhe na keni prerë pantallonat në mes të bulevardit, por nuk jeni kënaq me kaq po na keni nxjerrë në bodec, mua më keni nxjerrë në mes të bulevardit”.
