Gjykata e Posaçme ka lënë në fuqi masën e “arrestit me burg” për Lefter Kokën.
Lefter Koka u arrestua me 14 dhjetor me urdhër të Prokurorisë së Posaçme kundër Korrupsionit dhe Krimit të Organizuar (SPAK). Koka akuzohet se përfitoi 3.7 mln euro nga inceneratori i Elbasanit.
SPAK e akuzon Lefter Kokën për “shpërdorim të detyrës”, “pastrim të parave” dhe “korrupsion” duke përfituar 3.7 mln euro nga incerenatorët.
Sipas SPAK, Lefter Koka ka shkelur procedurën ligjore për koncesionin e Inceneratorit të Elbasanit, dhe nga kjo ka përfituar nëpërmjet skemave fiktive 3.7 milion euro. Prokuroria pretendon se këto para janë përvetësuar nëpërmjet skemave fiktive dhe hapjen e kompanive të ndryshme në emër të të afërmeve dhe familjarëve, të personave të implikuar.
