Gjykata kundër Korrupsionit dhe Krimit të Organizuar (GJKKO), ka dënuar me 8 vite burg një nga anëtarët e grupit të Habilajve, Reshat Radhima. Ai u shpall fajtor për trafik droge dhe grup të strukturuar kriminal.
Ai u ekstradua nga Roma në Tiranë në prill të 2019 pasi ishte në kërkim që prej 2 shkurtit 2017, teksa njihet si një nga personat që merrej me trafikimin e kanabisit me grupin e Habilajve.
Radhima rezulton se është përgjuar teksa bisdeonte në 2016 me të hetuarin tjetër Taulant Haxhiraj dhe shqetësoheshin se parcelat me hashash rrezikoheshin nga krimbi.
Grupi “Habilaj” u godit në tetor të vitit 2017. Hetimet në Shqipëri u hapën pas publikimeve në media, ndërsa në Itali u morën me mijëra faqe përgjime të grupit “Habilaj”, ku ata përmendin edhe emrin e ish-ministrit të Brendshëm Saimir Tahiri.
Dënohet me 37 vite burg grupi i Habilajve
Më 18 maj, Gjykata e Posaçme kundër Korrupsionit dhe Krimit të Organizuar dha vendimin për grupin e Habiljave, të cilët akuzohen për trafik droge dhe grup të strukturuar kriminal.
GJKKO dënoi me 10 vite burg Moisi Habilajn, teksa tre pjesëtarët e tjerë të grupit, Meridian Sula, Nezar Seiti dhe Fatmir Minaj janë dënuar seicili me nga 9 vite burg. Të 4 të dënuarit nga GJKKO, kanë përfituar nga dënimi i shkurtuar duke e ulur me 1/3.
