Lajmi i publikuar më parë në media se Basha po vepron me Astrit Veliajn njëjtë si Rama para 4 vitesh me Arben Ndokën, është vërtetuar sot.
Dy kandidatet për deputete të Partisë Demokratike të qarkut të Beratit, kanë dërguar një tekst identik dorëheqjeje në KQZ, që duket se është shkruar nga i njëjti kompjuter dhe e njëjta dorë.
Juvina Jani, ashtu si dhe Monika Qosja, i janë drejtuar të dyja KQZ-së me të njëjtin tekst, të njëjtin format, të njëjtin tip gërme, të njëjtin formulim dhe të njëjtin dizajn, çka tregon qartë se shkresa është printuar në dy kopje nga i njëjti kompjuter, duke ndryshuar vetëm emrat.
Skandali i tërheqjes së dy femrave për t’i hapur rrugën një biznesmeni në politikë, duket se po bëhet me vullnet të Lulzim Bashës. Basha po ndjek me përpikëri të gjithë rrugën që ndoqi Rama 4 vite më parë (lajmin e plotë lexoje këtu). Është e qartë se biznesmeni Veliaj po bën të pamundurën që të hyjë në Kuvend.
