Bashkëkryetari i Komisionit për Reformën Zgjedhore, Damian Gjiknuri, i sugjeron opozitës parlamentare të reflektojë dhe të mos bllokojë draft-marrëveshjen e arritur në Këshillin Politik. Në përfundim të mbledhjes së Komisionit për Reformën Zgjedhore, Gjiknuri tha se partia e tij nuk shkel marrëveshjet që bën me forcat e tjera politike. Ai tha se PS do të bëjë çmos që kjo paketë të kalojë.
“Shpresoj që deri në fund të kemi reflektim dhe t’i bëjmë thirrje koshiencës tonë kombëtare.
Ne jemi një parti që i qëndrojmë marrëveshjeve, dhe nuk mund të bëhemi palë me shkeljet e marrëveshjeve. Megjithatë ne do të bëjmë çmos që kjo paketë të kalojë, sepse është shumë e rëndësishme. Megjithatë çështja e sistemit zgjedhor mbetet e hapur. Çështja e sistemit zgjedhor u hap si temë në Këshillin Politik, por nuk gjeti mbështetje”, tha Gjiknuri.
