Rrjeti më i madh televiziv amerikan, Fox News, i njohur si televizion pranë presidentit Donald Trump, ka dalë me një teori të fortë konspirative për lindjen e koronavirusit. Rrjeti më i madh kabllor në SHBA, raporton se ka gjasa që koronavirusi i ri të ketë dalë nga laboratori i Wuhan-it në Kinë.
Sipas këtij investigimi, virusi nuk ka dalë nga laboratori si një armë biologjike, por si një përpjekje e Kinës për të treguar se është e aftë që të identifikojë dhe të luftojë viruset me të njëjtat kapacitete si SHBA.
Një nga burimet i tha Fox News se “ky mund të jetë një nga mbulimet qeveritare më të kushtueshme të të gjitha kohërave”.
Burimet besojnë se përhapja fillestare e virusit ishte nga njeriu te njeriu, dhe se ‘pacienti zero’ punonte në laborator. Më pas virusi kaloi në popullsi në Wuhan.
Infektimet e para u lokalizuan në një treg peshku, në provincën kineze Wuhan, ku shiteshin edhe kafshë të egra.
Koronavirusi është shumë i fshehtë dhe i tranformueshëm, ato janë pjesë e grupit të viruseve, RNA që shfaqin tipare të variabilitetit gjenetik. Kjo do të thotë se është e lehtë për ta të mposhtin barrierat dhe të infektojnë llojet e ndryshme ku strehohen. Si pasojë, këta viruse shkaktojnë edhe sëmundje të rënda, infeksione të rënda mushkërish, bllokimin e frymëmarrjes deri edhe vdekjen.
