Lionel Messi është në majën e golashënuesve europianë, pasi parakaloi Mohamed Salah pas tregolëshit të shënuar këtë fundjavë dhe është favoriti për të fituar Këpucën e Artë. Por lajme të këqija vinë nga Anglia kur kanë mbetur edhe dy javë për tu luajtur. Sulmuesi egjiptian i Liverpoolit mund të pezullohet nga Federata angleze me dy javë dhe automatikisht humb garën e golashënuesit europian.
Në ndeshjen e fundit ndaj Stoke Cityt, Salah pati një incident në fushë me mbrojtësin holandez Bruno Martins Indi, ndërsa pritet që Komisioni i Disiplinës të marrë në shqyrtim pamjet. Nëse Salah pezullohet dy javë, atëherë sezoni për të në Premier League do të përfundojë, pasi edhe dy ndeshje kanë mbetur për t’u luajtur. Për më tepër, ky lajm do të inkurajonte edhe sulmuesin anglez të Tottenhamit, Harry Kane, që shpreson të fitojë garën me Salah, për Këpucën e Artë të Premier Leagues.
