Futbolli në Kinë ka bërë investime mjaft të rëndësishme në vitet e fundit duke blerë emra të mëdhenj të futbollit. Por duket se disiplinën dhe rregullat e lojës akoma nuk i kanë të qarta dhe bëhen gabime trashanike. Këtë herë është ekipi i Canavaros që lë nam në mesin e ndeshjes me një gjest qesharak. Njëri nga lojtarët është gjakosur dhe duhet të ndërronte fanellën, por duke mos pasur tjetër, kanë bërë veprimin që i habiti të gjithë.
Dëmtimi i markës së klubit i ka kushtuar pagën 5 zyrtarëve të klubit kinez Guangzhou Evergrande. Vendimi është marrë pasi mbrojtësi Zhang Linpeng u detyrua të vesh fanellën e një tjetër lojtar me emrin dhe numrin e mbuluar me një ngjitëse të verdhë. Incidenti ndodhi në pjesën e parë të ndeshjes me Tianjin Quajian e vlefshme për Champions League aziatike.
Zhang ndryshoi fanellën e tij pasi kishte gjak në të, kështu që ata i dhanë fanellën e Zhang Wenzhao me numër 15-të. Zyrtarët e klubit kinez mbuluan emrin e Wenzhao dhe numrin 1 me ngjitës të verdhë.
Kjo situatë ngjalli zemërimin e drejtorit të përgjithshëm Gao Han që deklaroi: “Drejtuesit e ekipit kanë bërë gabime të mëdha dhe ka dëmtuar seriozisht markën e klubit”. Skuadra e Guangzhou është një nga skuadrat më të suksesshme në Kinë, dhe në sezonet e fundit ka bërë mirë nën drejtimin e ish-mbrojtësit italian, Fabbio Cannavaro.
