Zëdhënësi i qeverisë gjermane, Steffen Seibert tha se qeveria Gjermane do të ndjejë kënaqësi të presë Presidentin e Turqisë Rexhep T. Erdogan si një mysafir të rëndësishëm të samitit të G20-s që do të mbahet në datat 7-8 Korrik në Hamburg.
“Gjermania pret pjesëmarrjen e Erdoganit”,- u tha Seibert gazetarëve.
“Do të doja të nënvizoja se Presidenti Erdogan është një mysafir i rëndësishëm për qeverinë gjermane dhe se e mirëpret pjesëmarrjen e tij në Samitin e G20-s”, shtoi ai.
Turqia nëpërmjet ministrisë së Jashtme, reagoi ashpër ndaj deklaratave negative të ditës së enjte që autoritet gjermane bënë lidhur me kërkesën e Presidentit Erdogan për të mbajtur një fjalim para qytetarëve turq në Hamburg duke i cilësuar si të papranueshme dhe për të ardhur keq.
