Gjermania ka regjistruar një rritje të ndjeshme të rasteve të reja me koronavirus, në 24 orët e fundit.
Sipas institutit gjerman “Robert Koch”, në Gjermani janë shënuar 1,415 raste të reja të koronavirusit. Kjo është shifra më e madhe ditore e rasteve që nga muaji prill.
Ministri gjerman i Shëndetësisë, Jens Spahn, tha se tubimet po organizohen në mënyrë të papërgjegjshme dhe e mbrojti vendimin e tij për ta shpallur pothuajse tërë territorin e Spanjës si zonë me rrezikshmëri për koronavirus pas rritjes së rasteve atje.
“Unë e di sa e duan Spanjën gjermanët, por fatkeqësisht shkalla e infeksioneve atje është duke u rritur në masë të konsiderueshme. Kushdo që shkon në Spanjë pavarësisht paralajmërimit duhet ta mbrojë veten dhe të tjerët përderisa qëndron në pushime. Pushimet me ndeja janë të papërgjegjshme në këtë pandemi”, tha Spahn për gazetën gjermane “Bild am Sonntag”.
Deri më tani, Gjermania ka regjistruar 223.780 raste pozitive me koronavirus dhe 9.289 viktima.
