Gjermania humb edhe “çelësin” e mesfushës në prag të Botërorit

Mesut Ozil ka pësuar një lëndim në gjurin e këmbës së majtë dhe rrezikon të jetë në 100% të formës në Botërorin i cili starton vetëm pas 7 ditësh. Federata e Futbollit të Gjermanisë ka dhënë njoftimin se nga ekzaminimet rezultoi se 29-vjeçari ka një dëmtim të lehtë dhe si masë paraprake nuk do të rrezikohet në miqësoren e së premtes, përballë Arabisë Saudite.“Masë paraprake: Mesut Ozil nuk ka mundur ta kompletojë trajnimin me ekipin në Eppan dhe në vend të kësaj, ka bërë disa vrapime i veçuar. Ai është jashtë për ndeshjen Gjermani–Arabi Saudite për shkak të një plage në gjurin e majtë”, thuhet në njoftimin e Federatës Gjermane të Futbollit. Ozil do të marrë pjesë për herë të tretë në Kupën e Botës, pasi kontribuoi në vitin 2010 dhe në vitin 2014, ku edhe triumfoi Gjermania.