Ndonëse me shumë mungesa, ekipi i Low dhuroi një futboll të thjeshtë dhe shumë efikas në Rusi, duke merituar fitoren e kompeticionit.
Stindl kaloi gjermanët në avantazh, në minutën e 20 të pjesës së parë, pas një gabimi të mbrojtjes së Kilit.
Në minutat në vijim, të dy ekipet u përballën si të barabartë dhe arritën të krijojnë shumë mundësi shënimi, por pa arritur të ndryshojnë shifrat e rezultatit.
Në pjesën e dytë, faktor u bë edhe teknologjia VAR, duke ndërprerë ndeshjen në 2-3 raste, çka solli ulje të ritmit të lojës.
Më herët, Portugalia mposhti Meksikën me rezultatin 2-1, duke u renditur e treta në këtë kompeticion.
