Bilanci i viktimave të motit të keq nga përmbytjet që goditën Gjermaninë është rritur në të paktën 42 të vdekur, nga sa bëri të ditur Policia. Ka edhe dhjetëra persona të zhdukur.
Gjermania Perëndimore u godit nga reshje të mëdha shiu dhe përmbytje që rrënuan disa shtëpi. “Shumë nga njerëzit e zhdukur” u gjetën në çatitë e shtëpive që u përfshinë nga përmbytja e lumit në komunën e Schuld në Rhineland-Palatinate, tha një zëdhënës i policisë së Këlnit.
“Efektet e katastrofës klimatike janë tashmë këtu,” tha Katrin Goerig-Eckardt e partisë së Gjelbërt, duke folur për transmetuesin NTV, ku ajo u ftua të komentonte mbi shqetësimet e rënda të shkaktuara nga moti i keq. “Ende nuk kemi një pamje të qartë se sa viktima ka” dhe “po kërkojmë persona të zhdukur me helikopterë”. E tha ministri-president i Nordrhein-Ëestfalenit, Armin Laschet, i cili duke u takuar me shtypin në Hagen, një nga vendet më të prekur nga dëmet e motit të keq në Gjermani, shpjegoi se nesër një seancë e posaçme e kabinetit do të analizojë dëmin. Nga lokaliteti i Altenas, duke folur për Bild, Laschet e cilësoi situatën “dramatike”. Guvernatori shprehu ngushëllime dhe për dy zjarrfikës që humbën jetën gjatë operacioneve të shpëtimit. Si dhe ai vlerësoi punën e shpëtimtarëve dhe menaxhimin e emergjencës në zonë.
