Kufoma e gjetur ditën e hënë më liqenin Anglersww të qytetit Erbach në Gjermani, i përket një shqiptari. Policia gjermane ka identifikuar viktimën, i cili është 19-vjeçari Xhoi Musaj.
Ky i fundit u gjet i mbytur nga kalimtarë, të cilët njoftuan menjëherë policinë.
Pas autopsisë, rezultoi se shqiptari është dhunuar dhe keqtrajtuar e më pas është hedhur në liqen.
19-vjeçari Xhoi Musaj ka jetuar në Steinfurt të Nordrhein-Westfalen dhe nga mesi i prillit kishte ardhur me tren në drejtim të Gjermanisë.
Nuk dihen ende shkaqet dhe motivet e ngjarjes së rëndë, ndërsa policia gjermane po punon për zbardhjen e ngjarjes. Gjithashtu, kjo e fundit ka vendosur një shpërblim 3 mijë euro për këdo që ka informacion të vlefshëm që çon në identifikimin dhe kapjen e autorëve të kësaj ngjarje.
Personat që kanë informacion mund të kontaktojnë në numrin e telefonit 0731/1880.
