Pas lajmit të publikuar në median britanike “Daily Mail”, ku theksi vihet tek kushtet skandaloze ku mbahen kafshët në një kopsht zoologjik në Fier, qeveria u vu menjëherë në lëvizje. Ishte Ministri i Mjedisit dhe Turizmit, Blendi Klosi, që u zotua se menjëherë do të bëhej largimi i kafshëve nga ai ambient.
Por duket se kjo nismë e ministrit Klosi ka mbetur në deklaratë pasi deri tani nuk është bërë asgjë. Një organizatë gjermane, VIER PFOTEN, ka ndërmarrë një nismë për të blerë kafshët që ndodheshin në kopshtin zoologjik. Sipas tyre kafshët ndodhen akoma atje dhe është urgjent që të largohen nga ai ambient ekstrem. Për këtë ata kanë filluar të mbledhin donacione për t’i blerë ato, ku në pak orë janë mbledhur rreth 2 mijë euro.
Statusi i organizatës VIER PFOTEN në Facebook:
Ne jemi të vetëdijshëm, thashethemet janë se disa kafshë janë shpëtuar tashmë në kopshtin zoologjik të safarit në Shqipëri (Fier) … por realiteti është se kafshët ende vuajnë në kopshtin zoologjik dhe kanë nevojë urgjente për ndihmën tonë! ?
Për fat të keq, aktualisht nuk jemi të lejuar për arsye ligjore për t’i nxjerrë kafshët nga ky vend i tmerrshëm, por nuk do të heqim dorë dhe jemi të gatshëm për të lëvizur malet për ta zbatuar këtë sa më shpejt që të jetë e mundur.
A mund të mbështeten edhe kafshët në mbështetjen tuaj? TIRANA TODAY
