E shtunë, 6 Mars, 2021
11 C
Tirana

Gjërat më të çuditshme që shesin njerëzit për të fituar para

Kohët e dëshpëruara kërkojnë edhe akte të dëshpëruara. Çfarë do të bënit për të fituar para nëse do t’ju duheshin me çdo kusht? Ka shumë rrugë të pazakonta drejt suksesit financiar, dhe disa njerëz bëhen shumë kreativë. Ata shohin një boshllëk unik në treg, dhe shfrytëzojnë rastin për ta mbushur atë. Ja cilat janë gjërat më të çuditshme që shesin njerëzit për të fituar para.

Virgjëria

Seksi shet! Nuk ka asnjë dyshim që virgjëria e ka një çmim, dhe është diçka që njerëzit e vlerësojnë shumë në shumë komunitete. Disa gra e ruajnë virgjërinë e tyre, për t`ia shitur ofertuesit më të lartë. Me shumën që fitojnë, ato mund të përgatiten për një jetë më të rehatshme. Një natë e kaluar me një të huaj, mund të nënkuptojë shlyerjen e kredive studentore, apo çeljen e një biznesi. Në një rast një vajzë e shiti virgjërinë e saj për 3 milion dollarë.

Ajri

Ajri është falas, gjendet në natyrë, dhe thuajse kudo, apo jo? Në fakt nuk është gjithmonë kështu. Disa pjesë të botës janë aq të ndotura, sa që disa individë do të bënin gjithçka për të marrë frymë në ajër të pastër. Disa sipërmarrës në Britani dhe Kanada po fitojnë shumë duke shitur ajër, ose më saktë shtëpi në zonat rurale shumë të pastra.

Letra e tualetit

Nuk bëhet fjalë për një letër dosido. Disa prodhues të letrave higjienike, prodhojnë letër tualeti prej ari 22 karat, që kushton 1.3 milion dollarë një rrotull. Kjo letër ka treg në Dubai, ku jetojnë dhe pushtojnë njerëzit më të pasur të botës.

Jashtëqitjet njerëzore

Megjithëse mund të duket si një çmenduri, jashtëqitja e një njeriu mund t’i shpëtojë jetën dikujt tjetër. Disa pacientë vuajnë nga Clostridium Difficile, një infeksion bakterial shumë i rëndë, që shkakton vetëm në SHBA 15.000 vdekje në vit. Mjekët mund ta trajtojnë këtë sëmundje vetëm përmes një transplanti fekal.

Mikrobet e shëndetshme nga jashtëqitja e një personi të shëndetshëm, vendosen brenda zorrëve të pacientit. Kjo ndihmon në heqjen e Clostridium Difficile nga sistemi i tyre. Në 2015, një studiues në Massachusetts Institute of Technology (MIT), e shiti jashtëqitjen e tij dhe fitoi rreth 1.000 dollarë.

Shërbime të vajtimit profesional në funerale

Funerale janë ngjarje të zymta, ku ata që preken më së shumti nga humbja janë zakonisht familjarët e të ndjerit. Gjithsesi, disa njerëz po fitojnë para duke shitur shërbime profesionale në këtë fushë. Ata mund të qajnë sipas kërkesës së klientit. Vajtuesit profesionistë, bëjnë kërkime mbi personin që ka vdekur,në mënyrë që të mund të flasin pak për ta, gjatë kohës që mbajnë zi. Këto shërbime janë më se të zakonshme në vendet afrikane, aziatike dhe ato latine. Por ato po fitojnë popullaritet në të gjithë Evropën dhe SHBA.

Të brendshme të përdorura

Për disa, përdorimi apo mbajtja e mbathjeve të dikujt tjetër mund të jetë thjesht e neveritshme. Por për disa ky është një “fetish” (një formë e dëshirës seksuale në të cilën kënaqësia është e lidhur me një shkallë anormale për një objekt të caktuar, veshjen apo një pjesë të trupit), dhe ata mund të jenë të gatshëm të paguajnë ekstra për të blerë të brendshme të përdorura të dikujt tjetër.

Online një palë mbathje të përdorura mund të shkojnë rreth 50 dollarë. Japonia kishte deri pak kohë më parë makina shitëse vetëm për këtë biznes. Qeveria i mbylli ato, por vetëm për shkak të shqetësimeve se ishin burrat ata që kishin nisur të vidhnin të brendshme e femrave.

Qumështin e gjirit

Po, disa nëna e shesin qumështin e gjirit me një çmim të arsyeshëm. Ky është një biznes fitimprurës që ekziston prej shumë kohësh. Në internet ekzistojnë faqe si onlythebreast.com, që e ndërmjetësojnë shitjen.

Shitja e historive të tmerrshme personale

Shumica prej nesh pëlqen t’i mbajë për vete momentet më të errëta të jetës. Por për të tjerët, kjo është një mundësi për të bërë para. Shumë njerëzit po paguhen për të rrëfyer dhe shitur historitë e tyre dramatike revistave dhe gazetave të njohura.

Historitë mund të variojnë nga përvojat personale të të qenit afër vdekjes, një sëmundje apo edhe lidhja jashtëmartesore e bashkëshortit/es tuaj. Çmimet ndryshojnë në varësi të ndjeshmërisë që ka historia. Sigurisht gjërat vështirësohen kur agjencitë kërkojnë që ju t’u çoni foto ose prova për të vërtetuar historinë tuaj. Ju mund të fitoni 200 -2.000 dollarë për një histori të vetme.

Plazma e gjakut

Plazma është lëng i pastër, në të cilin janë kulluar komponentët e tjerë të gjakut si trombocitet dhe qelizat e kuqe të gjakut. Kjo është arsyeja pse ajo është e ndryshme nga dhurimet konvencionale të gjakut. Duhet shumë më shumë gjak, që mjekët të nxjerrin plazmën prej andej. Para se të shisni plazmën tuaj, ju duhet të kontrolloheni për viruse specifike, duhet të jeni mbi 18 vjeç dhe të peshoni më shumë se 50 kg. Për çdo dhurim, spitalet në SHBA paguajnë 20-50 dollarë.

Burimi i lajmit: https://listverse.com/2021/02/21/top-10-weirdest-things-people-sell-and-actually-make-money-on/

Përshtatur nga TIRANA TODAY

- Reklama -

Më shumë nga kategoria




Të fundit

Ronaldo drejt largimit, Juventusi “piketon” ish-sulmuesin e Interit

Situata e pandemisë nuk i ka ndihmuar klubet e futbollit nga ana financiare të cilat duket se janë me humbje për shkak dhe të...

Serbia merr 500 mijë vaksina kineze/ Vuçiç: Presim dhe 13 milion të tjera

500,000 doza të tjera të vaksinës kineze “Sinofarm”, kanë mbërritur mbrëmjen e sotme në Serbi. Lajmin e ka dhënë presidenti serb Aleksandër Vuçiç, në një...

Fenomeni “Tirja”,/ Bushati: Ndodh kudo, në Gjermani doktori vrau 118 pacientë

Deputeti i Partisë Socialiste Ervin Bushati e ka quajtur të turpshme faktin e fokusimit të vëmendjes ndaj rastit të sanitares së Shefqet Ndroqi, Tire...

Ministri francez: Vaksinat ruse dhe kineze, rrezik për shëndetin publik

Një ministër i kabinetit francez u bëri thirrje vendeve të Bashkimit Evropian të mos i përdorin vaksinat ruse ose kineze për COVID-19n, nëse ato...

Meta: Kush nuk voton, s’ka të drejtë të ankohet për pasojat e qeverisjes

Presidenti i Republikës, Ilir Meta, i ka bërë thirrje shqiptarëve për të votuar masivisht në zgjedhjet parlamentare të 25 prillit. Sipas Metës, ai qytetar që...