Një efektiv policie i Drejtorisë rajonale të kufirit është gjetur i pajetë mëngjesin e së shtunës në ambientet e doganës Kapshticë. Mësohet se i ndjeri është Ajet Beqo, 62 vjeç, i cili ka ndërruar jetë në krye të detyrës.
Sipas policisë, efektivi i kufirit është gjetur pa shenja jete nga kolegët e tij, në furgonin e patrullimit.
Sipas të dhënave të para, vdekja e 62 vjeçarit me origjinë nga Kolonja e banim në Korçë ka ndodhur për shkaqe natyrale, shkruan Vizionplus.
Ai kurohej prej kohësh për probleme kardiake, ndërsa ka qenë I vetëm dhe pa mundësi ndihme kur ndërroi jetë në vendin e punës.
