Një çantë e dyshimtë ka shqetësuar banorët e rrugës “Mustafa Matohiti”, apo e njohur si “Rruga e Salës”. Mësohet se çanta është gjetur përballës ambasadës iraniane dhe paraprakisht raportohet se dyshohet të përmbajë lëndë plasëse. Në vendngjarje kanë mbërritur Policia e Tiranës, e cila ka rrethuar zonën dhe pritet ndërhyrja e njësisë anti-eksploziv, për të vlerësuar situatën.
Tiranë/Informacion paraprak
Më datë 07.09.2021, rreth orës 09:15, njoftohemi nga punonjësi i policisë në shërbim se në rrugën “Mustafa Matohiti”, është konstatuar një çantë shpine.
Sherbimet e Policisë kanë bërë rrethimin e vendit dhe kanë njoftuar forcat xheniere për veprime të metejshme.
Paraprakisht dyshohet se është një çantë e braktisur.
