Pasditen e sotme është gjetur i mbytur në Karaburun një zhytës. Policia njofton se është mbytur shtetasi A.H, 34 vjeç, banues në Tiranë, i cili merrej me zhytje.
Ngjarja ka ndodhur në vendin e quajtur Shpella e ”Haxhi Ali-ut”. Trupi i pajetë i 34-vjeçarit u transportua në morgun e Spitalit Rajonal Vlorë.
Njoftimimi i policise:
Vlorë
Informacion paraprak
Më datë 22.04.2018, Salla Operative Vlorë është njoftuar nga një telefonatë se në Karaburun në vendin e quajtur Shpella e ”Haxhi Ali-ut”, është mbytur shtetasi A.H., 34 vjeç, banues në Tiranë, i cili merrej me zhytje.
Trupi i pajetë po transportohet në morgun e Spitalit Rajonal Vlorë.
Grupi hetimor po punon për sqarimin e plotë të rrethanave të ngjarjes.
